32-

آسفين على التأخير بس شنسوي ظروووف!! و الله يوفق كل اللي عندهم دور ثاني

بما ان الأغلبية يبون عربي, ما يصير خاطركم الا طيب!

ذس بوست از فوور !

 @Ghosoun_ و كل عام ونتي بخير مؤخراً واحبج واايد حياتي 

إنجوووويي!

 ....................................................

غلا : يمه شوي شوي علي تدرين انه يعوووور

ام وهاب: انتي عروس يمه تحملي ( كانت تجهز نفسها للعرس..حمام مغربي وملكي وسوالف حريم)

غلا: عبدالله قاعد يدق !!

ام وهاب: لا تردين عليه مافي عروس تكلم ريلها قبل العرس بيوم

غلا: اخاف يحاتي

ام وهاب: لا يحاتي ولا شي يدري فيج مشغوووله

باجر الملجة و العرس.. بما ان عم غلا و ابو روان كان توه متوفي و ما صار له اكثر من شهر مو حلوة تفرح و تتزوج غلا ف قرروا تكون الملجة و العرس بيوم واحد بعد 3 اشهر من الخطبة و جهزت 

غلا كل شي من باريس!

ولا بعد وهجر وغياب

عسانا مانتفارق يوم

عسى دايم نكون أحباب

سوى راحت فكر وقلوب

وخلن في هواك تذوب

وهو مثلك في حبك ذاب

عسى دايم نكون أحباب

نظرات الكل كانت على العروس

حد منكم شاف في الدنيا بدر  مقبلٍ يمشي و من حوله بشر

من حلاه يزف للناظر ضياه   ان ظهر للناس و لا ما ظهر

هذا ما هو بدر ليل يختفي  مع طلوع الصبح و بزوغ الفجر

او بدر يصبح بعد مده هلال هذا بدر مكتمل طول الشهر

هي عروس النور في هذا الزمان هي ملاكٍ بس في صورة بشر

من غلاها انقول صلوا على الرسول       يا اللي شفتوها بقلبٍ او نظر

الله يا نور في ها الدنيا نراه مستحيل ان نشوفه في بشر

غلا تمشي مركزة على خطواتها 

ابتسامة كبيرة على ويهها

فلاشات الكاميرات ما تخلص

و اخيرا قعدت على الكوشة 

قاموا البنات الصغار رقصوا جدامها 

منهم ندى و  روان و رتاج و شوق و سارة و مريم رفيجات غلا و خوات حمد

غلا باين على ويهها الفرحة, ويها منور بس كانت متوترة.. يالله متى يوصل حبيبي

صار وقت دخلة الرياييل

تغطوا الحريم و صارت القاعة شبه اسود باسود 

دخل عبدالله

بخطوات ثابتة, فرحته ما تسع هالكون كله....هيبة ملك

اهتم فيني

حط بالك عليه

سكني بروحك و عينك و قلبك‏

كنت أرى الظلام الحالك نورا"...

ياااه فكيف خانتني ثقتي الشامخه بنفسي..

وكيف اضعتها بأمورٍ ...كم هي تافهه!

كم نزف كياني..لم فعلتٍ بي هكذا..؟

كم صرخ اسمي.."لم لطختني بهذه القذاره"...؟

كم عبس..وجهي..بوجهي...

أغصبتني من نفسي...فأدمعت عيني دمعه ليس لها وجود!

كانت غلطه بل غلطات ...

لم ادرك حينها نفسي....لم افكر....

نعم غفل ايماني برهة من الزمن فأضعتني.......

بزغ نجمٌ رضيع..يتلألأ في سمائي..كم رأيت به مستقبل مشرق….

ماذا حل بي..لم انا لست انا؟

لم الامور تلخبطت....لم الدنيا بي تدور..

فأصبحت السماء تحت رجلي...والأرض صارت لي سماء

لم الواقع يذرف الدماء..؟

لم رحلت أحلق في عالم ليس بعالمي.....

لماذا اسقط من العلى إلى الهاويه...

وانا ابتسم بلا أمل..

لما انفض الغبار عن امور قسمت بأن لا اعود إلى دروبها..

__________________________________________________

عبدالله مو قادر ينام.. حاس انه بحلم

اللي ابيها باجر بتكون لي

يالله انك تقدرني اسعدها و اهنيها!!

نفس الشي غلا عينها ما غفت.. تفكر بعبدالله.. خايفة.. مستانسة.. متوترة..

باجر كل شي بيتغير باجر بتكون انته لي و انا لك!!

عسى الله ما يجيب عتاب

من الدنيا وش المطلوب

-------------------------------------------------------------------------------

نروح شوي حق ندى و علي

ندى: حبيبي شقررت؟

علي: على شنو؟

ندى: افاا.. موضوعنا شفيك؟

علي: مادري ندى مادري اخاف ان مستحيل اقدر اييب عيال!!

ندى: لا تقول جذي و خل املك بالله قوي.. انت مو اول واحد عقيم.. بس ان شاء الله ننطر اوراق المستشفى و بنبدي رحلة العلاج بره

علي: بس اذا انا ما قدرت اييب.. ما راح ارضى اكون انا سبب انج ما تييبين!! ما اقدر اكون سبب عدم سعادتج

ندى: علي شالكلام؟ اصلاً مو مهم العيال حتى لو الله ما كتب انا بقعد معاك طوول العمر و بنحاول و نحاول لين الله يرزقنا و من قال ان انته مو سبب سعادتي؟

على: الله لا يحرمني منج يا اغلى ما املك

ندى: و لا منك يا روح الروح

ندى و علي قرروا يروحون باريس مع عبدالله و غلا اللي بيكملون دراستهم عشان علي يتعالج

_____________________________________________________

اليوم اللي وراه

العصر بالصالون

روان: حبيبتي ما نبي شي وايد اوفر اهيا ما تحب وايد مكياج

خبيرة التجميل: اي ماشاءالله هيا ملامحها حلوة انا بس بحطلها شي يبرزهم اكتر

منيرة : ويييه روانو انتي شعرفج؟ هذي عرووس لازم شي اوفر شلون بله؟

غلا: يمه ماابي وايد جني لوحة رسم صح كلامها

منيرة: كيفكم كيفكم بس حبيبتي زيديه شوي هذا عرس

خبيرة التجميل: تكرمي

بالفندق الساعة 8 بليل

كان كل شي مرتب و القاعة نزاكة و الحضور كلهم ناس ذربين ..

غلا تنزل على اخر درية من الدري ماسكة ايد روان 

و ندى تعدل  لها النفنوف

تصكرت الليتات و صارت اضاءة خفيفة على الباب اللي بتدخل منه غلا

نفنوف اوف وايت و ماسكة مسكة جوري

شعرها مرفوع لي فوق و مكياجها درجات الذهبي و كان اينن  

دخلت على زفة راشد.. بدر

و من بعد حنة من ام عبدالله على دلال... قامت دلال و رقصت

واقف متوسط  اب ابو غلا و عمه

و وراهم عيال عمه و حمد و يوسف اللي بالغصب حضر العرس عشان لا يزرع الشك عند امه

وصل عبدالله الكوشة و خذوا جم صورة

والله و تحقق منايا

شوفو حبيبي معايا

يا اهل الحسد والوشايا

سعادة القلب وياه

الماء عود لمجراه

حاولت يا ما وياما

وزدتو علينا الملامه

ولكن وصلنا بسلامه

من يزرع الخير يلقاه

الماء عود لمجراه

يا حاسدينا اليكم

من خوف قلبي عليكم

حياتنا موفي يديكم

مكتوب عشنا وشفناه

الماء عود لمجراه

والله وشبكنا الايادي

قدام كل الاعادي

رايق لنا الجو هادي

سلم وانا قلبي حياه

الماء عود لمجراه

بعدين الرياييل رقصوا

و طلعوا اخيرا

و بقى عبدالله على الكوشة و يا غلا

يابوا لهم الدبل

و بعدها العصير

و عبدالله و غلا يتساسرون و يسولفون و يضحكون عالكوشة

بعدها ب دقايق

قامت غلا و رقصت, تتمايل بثقل و الكل كان يصفق لها و عبدالله مستانس و يطالعها



قاموا قصوا الكيكة و بعدها صار وقت ما يمشون

و صعدوا فوق غرفة الفندق

____________________________________________________________



بعد العرس يفصل اسبوعين عن رحلة باريس حق عبدالله و غلا.. و علي و ندى

بهالإسبوعين غلا قاعدة في بيت ام عبدالله مع عبدالله و امه و دلال لأن ما عندهم سكن بالكويت بما انهم راح يسافرون

عبدالله شكى حق غلا سالفة دلال و شنو ريم قالت له

غلا: اي حبيبي انا من زمان ملاحظة على دلول حركات بس ما حبيت اضايقك

عبدالله: شنو حركات مثل شنو يعني؟

غلا: ماقدر افهمك الحين بس دام هذي السالفة خل دلول علي انا اقدر اعدلها لك

عبدالله: والله؟

غلا: تامر بس

عبدالله: يمديج بهالاسبوعين بس؟

غلا: افا عليك بتشووف

عبدالله: اووكي بشووف شتسوين

غلا: تشك بقدراتي يعني؟

عبدالله: لا من قال بس شكله انا اللي بينقص ويهي

غلا: اي اي تطنز بس صج راح ينقص ويهك

عبدالله : نشوووف يا البي انتي

و صارت غلا تتلزق بدلال  بس للأسف ما طلع معاها شي غير سوالف الكرة و ربعها بالمدرسة اللي عرفت غلا انه اغلبهم من فئة دلال

فكرت غلا و قالت انها لازم تخلي دلال تتخلى عن هالشلة و تدور و تطلع البنت اللي بداخلها

  

بعد 5 ايام

سارة رفيجة اقصد ليدية دلال كانت زايرتهم البيت قبل يومين

و باليل يت دلال حق غلا تبجي

دلال: غلا تكفين مالي غيرج ( تبجي..)

غلا قلبها نغزها مسكتها و صعدت راسها فووق

غلا: دلووول سمسوية؟

دلال: غلا انا.. انا محتاجة افضفض غلا انا غلطت والله غلطت

غلا: قوليلي شصااااااير؟؟؟

دلال: تكفيين مابي عبود او اي احد من اخواني يعرف عن اي شي انا محتاجة احد يفهمني

غلا: تكلمي خلصي

دلال: انا... و ظلت تبجي مو قادرة تتكلم

جان تنطق اخيرا مابي شي ابي اروح عند دكتور نفسي تكفين وديني عند دكتور علاج نفسي

غلا: هاااا؟ علاج نفسي؟ ليييش؟

دلال: نفسيتي تعبانة و احتاج اتكلم و يا احد ماعرفه و اشرحله ظروفي

غلا : من شنو...تحجي شصاير معااااج؟

دلال: تكفين فهميني بس ابي دكتوور و بعدين انا راح اقولج شفيني

غلا: دلووول حرقتي اعصابي تحجي شصااااااااير

دلال: مستحيل تفهمني ...اخذيلي موعد

غلا: انزيين انزيين

تدروون شصار؟ غلا خلت وحدة عادية من رفيجات دلال (مو بوية) تدز لها كل يوم بروكسات ديني.. بالأول دلال ما كانت مهتمة بس لما مرة قرت مسج فيه مبينين عقاب البنت اللي تعشق بنت عرفت شنو عقاب المسترجلة و انها مطرودة من رحمة الله و ان الله ما يشوف ويهها يوم القيامة

هالشي اثر فيها

سبحان الله!

و غلا حست ان ما بقى شي و ان شاءالله دلال تتوب

حجزت لها موعد و اثنين و ثلاث و راحت دلال شرحت حق الدكتور حالتها و انها تنجذب حق بنات  قال لها الدكتور بإن اللي فيها مايشكل خطوره على مستقبلها بما انها في مرحلة المراهقه اللي تضطرب فيها الهرمونات........وعلاجها بسيط راح يتم بالسر .....

وكانت تتحسن تدريجيا...بمساعدة غلا بدون علم احد ......... كانت مهتمه في دراستها...مبتعده عن كل امر تافه يشغلها و هدت الشلة المختربة اللي كانت مرافجتها وغيرت مدرستها و تعرفت على بنات يدد و ستايلها كله تغير و هذا كله بمساعدة غلا!

قامت دلال تمارس هواية الكتابة لانها من اول تحب تكتب و طموحها تصير كاتبة

نصحها الطبيب النفسي انها تمارس هالهواية و تظل عليها و ظلت دلال تكتب خواطر

" لقد هجرت هذا الدفتر...اشتاقت لي اوراقه...فكم هي بيضاء..تحن لخربشاتي..التي إعتدت عليها في الماضي القريب..يااااه..كم كانت ايام عصيبه لم اذق فيها طعم الهناء..كنت في تعاسه تنكرت في زي سعاده...كنت اظنها ابتسامه....لم ادرك انها "دمـــعه"..

(هذي خواطر بوية تايبة بالصج تكفون اقروها عدل)

بعد ما مروا هالاسبوعين اللي تحسنت فيهم حالة دلال و صارت فعلاً بنت و انحلت مشكلتها و دلال شكرت غلا على مجهودها و شرحت غلا لعبدالله الظروف اللي خلت دلال تصير جذي لانها تحب التجربة و تبي تتميز بس راحت تتميز بالطريج الغلط.. مو عيب ان احنا نصير مميزين بس العيب لما يكون عبالنا الاختلاف اهوا  تميز!

صار وقت سفرة عصافيرنا!

على و ندى للعلاج

و عبدالله و غلا يدرسوون و يصيرون مهندسين كوبل حلوووين!

نزلوا بمطار باريس الدولي

و بجانب بعيد محمد كان زاير رفيج عمره صقر كالعادة و قرر انه يحجز تذكرة يرد فيها حق الكويت من باريس

و الصدفة انه شاف غلا بالمطار مع عبدالله بس للأسف يحاول يدور روان بينهم بس ما يلقاها!

محمد: لو سمحتي لو سمحتي

غلا: أنت!

محمد: اي آنا بس..

عبدالله: انتوا تعرفون بعض؟!

نطروا النكست بوست 

وشنو توقعوون محمد يبي من غلا؟ وعبدالله شبيسوي لما يشوف هالموقف؟